رۆژی ۱۲ی بەفرانبار، ئەنجومەنی ژینگەپارێزی “وڵات” لە شاری بۆکان، ڕایگەیاند; پاش چوار ساڵ هەوڵ و تێکۆشان لە ڕاستای بەروپێش بردنی ئامانجە ژینگەپارێزییەکانیان و ڕووبەڕووبوونەوەی کاولکاریی و بە تاڵان بردنی سەرچاوەکانی ژینگە لە شاری بۆکان، نووسینگەی کاریی ئەو ئەنجومەنە داخرا.
“وڵات” وێڕای ئاماژەدان بە کۆسپەکان لە بەرەوپێش بردنی کار و چالاکییەکانیان لە ماوەی چوار ساڵی ڕابردوودا، رایگەیاند: “دژایەتییەکان لە چەند مانگی ڕابردوو بە شێوەی پاکانەکارانە پەرەی پێدراوە و زۆرتر بووە، سەرەڕای پاڵپشتییەکانی خەڵک، ناوەندە مەدەنییەکان، دامەزراوەکان، ڕێکخراوە ژینگەپارێزی و ئەدەبییەکان، بەداخەوە لە هەڵوێستێکی ناشارستانییەت و نادێموکراتیکدا نووسینگەی کاریی ئەنجومەنی ژینگەپارێزی “وڵات”ـیان داخست”.
ئەنجومەنی ” وڵات” هەروەها رایگەیاند؛ داخستنی نووسینگەی کاریی ئەنجومەنی ژینگەپارێزی وڵات، تەنیا هەوڵدان بۆ لاوازکردنی ئەنجومەنێک نییە، بەڵکوو پشت گوێ خستنی پاڵپشتی و داواکانی خەڵک و چینی ڕۆشنبیر و پێشکەوتنخوازی کۆمەڵگایە.
ئەنجومەنی ژینگەپارێزی وڵات پێداگرە کە: “بە داخستنی دیوێک کۆتایی بە چالاکییەکانی ناهێنێت و گۆشە بە گۆشە ژینگەی ئەم ناوچەیە بە ناوی شەهید شەریف باجوەرەوە ئازادانە و بەبێ هیچ سنوورێک، دەکەن بە گۆڕپانی تێکۆشانی خۆیان”.
لێدوانێک بنووسە