ئەنجومەنی سەوزی چیا

ئەنجومەنی سەوزی چیا

پاراستنی ژینگه ، پاراستنی ژیانه

  • your-alt
  • your-alt
  • your-alt

راگەیاندنی ئەنجومەنی فەرهەنگی ئەدەبی رۆجیار سەبارەت بە لەناوبردنی دارستانەکان

قەبارەی فۆنت :
2018/12/16

 جەماوەروو وەشەویسوو  مەریوان و هەورامانی سەربەرزی
 چالاکە مەدەنیەکا و ژیوگا پارێزنەرە وەشەویسەکا
ژیوگاو مەریوانی و ئاوایەکاو دەور و پەشتیش خەریکا ڕوو بە وەزعێوە ئاڵۆزە ملۆ و بیەن گۆڕەپانێو پەی کاسپی و بازەرگانی چن کەسێوی نەیاری و بە هۆ دار بڕیەی و خەڵووز کەردەی و کیاستەی دارە نەرەکا پەی بەروو شارەسانوو مەریوانی تاڵانێوی یەکجار بێسنوورشا مەرزنانەرە سەروو سروەت و سامانوو ئی خەڵکیە.ڕۆی ڕۆشنەنە خەریکوو دزی و جەنایەتیەنێ.
دارستان پێسەو یانە و ژیوگاو سەرەکی ئێمە پەی هەوای و سڵامەتی و ….خەریکا بە دەسوو ئی تاڵانچیا جە بەین ملۆ. و چن دەسێ نامۆی ئینای پەشتەو ئی کاولکاریەنە کە مشیۆم جەماوەری وەشەویس و ڕێکوزیا فەرهەنگیەکێ و چالاکە مەدەنیەکێ و ژیوگا پارێزنەکێ ئاگادارێ ئی ڕەوتیە با و بە هەر شێوێو کە پەنەشا کریۆ وەرگیری چی هەرمانە ناشیرینێ و نا مەدەنیانێ کەرا و ئێجازه نەد٘ا چن کەسێ خاوارێ و بە دەسوو چن ناکەسە وێمانا ئی سامانە هەزاران ساڵیەی کە ویەریناو ئێمە پارێزناینە،پی ڕاحەتیە تاڵان کریۆ.
هەر پاسە بڕێو کەشاوەرزێ وێمانێ و بە بەهانێ ئەرەنیای باغ و مڵکی بەشێوی گەورە جە دارستانوو مەریوانیشا بڕیەن و پەی بەرژەوەندی تاکە کەسی وێشا دەسشا نیان سەروو سروەت و سامانێو کە هێنوو تاک بە تاکوو کۆمەڵگایا.
ئێمە پێسەو ئەنجۆمەن فەرهەنگی ـــ ئەدەبێو ڕۆجیاروو مەریوانی پڕ بەدڵ ئی هەرمانە ناشیرینێ و نا ئێنسانیێ شەرمەزار کەرمێ و داوا کەرمێ جە لایەنە پەیوەنیدارەکا کە بێدەنگێ نەبا و پەی وەرپەرچوو ئی کاریە حەر هەرمانێوە دەسشانە مەی درێغ نەکەرا.ئەنجۆمەن تا ماوێوی کۆرت و کۆتا سەبر کەرۆ و داوا کەرۆ جە لایەنگرەکاش کە هێمنی وێشا پارێزنا ،تا بزانمێ لایەنێ پەیوەنیدارێ چ بڕیارێو مد٘ا.ئەگەر قسێ دڵوو تاک بە تاکوو لایەنگرەکاو ئەنجۆمەنی جە لایەنوو کاربەدەساوە نەژنەویا و وەرگیری چی هەرمانە ناشرینێ نەکریا،ئاوەختە ئەنجۆمەن ڕاچارێوتەر گێرۆنە وەر و جە بەیانیە دماینەشەنە بە شێوێوی کارا و عەمەڵی ئاشکراش کەرۆ.
 ئەنجۆمەن فەرهەنگی ــــ ئەدەبێو ڕۆجیاری.مەریوان ۲۱ مانگەو کەڵەهەرزی ۹۷ ک.ڕ

پرسیارەکانتان بپرسن :